Пред неколку години легендарниот Џиџи Буфон се прости од италијанската репрезентација и им порача на навивачите да не тагуваат по него затоа што тимот има достоен наследник. Вечерва на „Вембли“, неговиот наследник Џиџи Донарума му врати на Буфон за пофалбите и со три одбранети пенали во финалето и ја донесе втората европска титула на Италија.
Англиските фанови сакаа утрешниот ден да го прогласат за неработен за да слават, но сега ќе мора да земат и боледување за да се опорават од тешкиот пораз на легендарниот “Вембли“ со 3-2 на пенали.
Италијанците слават сосема заслужено затоа што покажаа чисто срце и силна глава како што еднаш кажа Џорџо Кјелини. А, капитенот на Јувентус покажа како се сака и игра фудбалот на 37-годишна возраст.
фото: The Guardian