„Господ ова го чуваше за мене“ – Меси емотивен по освојување на првиот трофеј

Капитенот на Аргентина, по 16 години, го освои трофејот со репрезентацијата.

Фудбалската репрезентација на Аргентина е шампион на Јужна Америка, бидејќи во финалето на Копа Америка го победи Бразил со 1: 0 (1: 0).

Единствениот погодок на славната „Маракана“ го постигна Анхел ди Марија во 22-та минута, а со тоа на Аргентина и донесе континентален трофеј по 28 години.

Овој натпревар ќе остане запаметен и откако одличниот Лионел Меси, по 16 години во дресот на „гаучосите“, конечно ја освои првата репрезентативна титула.

– Чувствувам дека Господ го задржа ова за мене, да го освојам трофејот со Аргентина против Бразил, на негов терен – изјави Лионел Меси по триумфот во финалето на Копа Америка.

Преземено од: https://www.telegraf.rs/