Вечерва во Куршумли Ан во Скопје се одржа концерт, кој беше насловен „За многу години Македонци“, а мотото на концертот беше – Македонската народна музика, 30 години бисер на независна Македонија.
Беше вистинско уживање на едно емсто да се видат и слушнат „Синтезис“, Наум Петрески и Зуица Лазова. Беше вистинско уживање да се слушне убавата македонска музика испеана и отсвирена од амбасадорите на македонскиот фолк.
Чаршијата ечеше со „Ој девојче“, „Оди ѕвездо“, „Лазарополе“, „Утринска коба“, „За многу години Македонци“ и други песни, кои се нивен знак на распознавање.
Публиката, која поради протоколите не беше помалубројна, но не престана да пее заедно со нив.
(В.М.)