Сопственикот на компанијата „Тесла“, Илон Маск, коментирајќи на Твитер на веста за зголемувањето на продажбата на автомобилите на Тесла во Хрватска, напиша дека Тесла е роден во Хрватска, од родители Срби.
„Никола Тесла е роден во Хрватска од родители Срби“, напиша Маск.
Nikola Tesla was born in Croatia (to Serbian parents)!
— Elon Musk (@elonmusk) July 7, 2021
Некои веќе ги доставија своите тврдења со изводот на родените на Тесла, а некои пишуваат дека Тесла е роден во Австро-Унгарија.
Никола Тесла е роден на 10 јули 1856 година во Смиљан, како дете на локалниот свештеник на Српската православна црква Милутин Тесла и неговата сопруга Ѓука, на воената граница на тогашна Австрија, денес Република Хрватска.
Tesla Model 3 Leads in BEV Sales in Croatia in June & in 1H 2021https://t.co/xB1NRussTT
— Tesmanian.com (@Tesmanian_com) July 7, 2021
Се школувал во Госпиќ, Карловац, Грац и Прага. Во периодот од 1881 до 1882 година, тој работел во Централната телеграфска канцеларија во Будимпешта, и таму го започнал својот голем период на пронаоѓање – тој го усовршил уредот за засилување на гласот на телефон.
Тој заминал за Париз во средината на 1882 година, а во САД пристигнал во 1884 година, каде што започнал да работи за компанијата на Едисон.
Извор: b92.net