Со самото тоа што не’ „згрижува“ финансиски, работата ни овозможува живот каков што посакуваме. Сепак, некои луѓе не ја сакаат работата што ја работат, бидејќи таа им служи исклучиво како изор на примања со кои успеваат да ги задоволат барем основните потреби. Истовремено, ова знае да предизвика незадоволство кое се манифестира и во односот со колегите кои ги опркужуваат таквите луѓе. Покрај ова, депресијата и нервозата кај луѓето се појавуваат и поради приватни проблеми, кои исто така знаат да се одразат на работното место. Со оглед на тоа дека во повеќето случаи не можете да бирате со кој ќе работите, може да се најдете во ситуации кои не би биле пријатни. Во продолжение следуваат совети за тоа како да ви биде поудобно на работното место, односно како може да го подобрите односот со своите колеги.
Комуникација
За секој однос најважна е здравата и отворена комуникација, вклучувајќи го и односот со колегите на работа. Разговарајте за сите несогласувања или пак, за недоразбирањата. Не срамете се да побарате совет или мислење од другите, но внимавајте и на границите, зашто претераната отвореност може да влијае и негативно.
Почит
Надвор од работата, секој има свој приватен живот кој повеќе или помалку го сака и го исполнува. Тоа ги прави луѓето такви какви што се, па затоа е потребно да се разберат и да се почитуваат различностите, односно индивидуалните потреби на луѓето од опкружувањето
Контрола
Понекогаш луѓето знаат да бидат лути и нервозни, а разните ситуации со кои се соочуваат ги прават дополнително нетрпеливи. Секако дека треба да научите да ја контролирате негативната енергија и успешно да се справите со стресот, бидејќи во спротивно би биле контрапродуктивни. За да се посветите максимално на работата што ја работите, треба да имате оддршка и разбирање од луѓето со кои се опкружени по минимум осум часа дневно.
Самодоверба
Многу е важно постојано да работите на својата самодоверба, бидејќи токму тоа може да ве направи поуспешни, посреќни и поопуштени. Самодовербата е важна во секој аспект на секојдневното функционирање, бидејќи кога ќе имате позитивно, но не и преценето мислење за себе ќе почнете да правите мали, но значајни чекори кон успехот, а да се работи со личност која верува во себе е прекрасно, затоа почнете од себе.