Според СДСМ нема потреба да се одложат ниту пописот, ниту локалните избори, бидејќи тоа се два процеса кои течат паралелно.
Стефан Васев денеска на прес-конференција, одговарајќи на новинарско прашање дали е можно пописот да се злоупотреби поради локалните избор, рече дека пописот е статистичка операција која не треба да се политизира.
– Нема потреба, тоа е статистичка операција и никако не смееме да дозволиме да се политизира нешто што мора да го направиме, впрочем и договор е помеѓу двајцата лидери дека на тој датум ќе се одржат, односно во тој период ќе се одржи статистичката операција – спроведување на попис и мислам дека коректно е од политичарите, пред се мислам и на Мицкоски затоа што најчесто од нивна страна доаѓа политизирање на одредени аспекти за пописот да не се користат за политички цели, рече Васев.