Млечното чоколадо е познато по својата висока содржина на шеќер и содржина на маснотии. Сепак, истражувачите од Бригам и болницата за жени во Бостон, САД, ги разгледаа придобивките од вклучувањето на чоколадото во исхраната.
Тие забележале податоци од 19 жени во менопауза.
За да се тестира дали чоколадото може да помогне при слабеење, секоја жена јадела 100 грама млечно чоколадо во рок од еден час после будење или во рок од еден час после легнување. Експертите споредиле колку се здебелиле жените што јаделе чоколадо и оние кои не јаделе.
Истражувањето кое е објавено во списанието FASEB може да им помогне на многу жени кои сакаат да ослабат, но не сакаат да се откажат од чоколадо.
Конзумирањето чоколадо наутро или навечер не покажало разлика во тежината, откриле истражувачите. Тие исто така објаснија дека чоколадото може да влијае на гладот и апетитот, како и на сонот.
Јадењето чоколадо наутро може да биде корисно во согорувањето на маснотиите и може да ја намали количината на гликоза во крвта, велат истражувачите. Што се однесува до земањето чоколадо навечер, тие рекле дека тоа може да го промени метаболизмот и да доведе до подобар и поправилен сон.
Истражувањето траело 14 дена, а истражувачите велат дека на жените им е дозволено да јадат каква било друга храна освен чоколадо. Во текот на две недели можеле да земат само млечно чоколадо, но и други слатки.
– Резултатите покажуваат дека жените, кои консумираат чоколадо, биле помалку гладни и имале помала желба за слатки од оние кои не јаделе чоколадо, особено кога јаделе навечер. Покрај тоа, дневната количина на кортизол била помала кога се јаде чоколадо наутро отколку навечер – потврдуваат истражувачите.
Извор: Курир.рс