Шпанскиот центар кој со години ја носеше капитенската лента во кошаркарскиот клуб Реал Мадрид, Фелипе Рејес, става крај на професионалната кариера, објавија во кратко соопштение од кралскиот клуб и најавија опростувачка прес-конференција во текот на утрешниот ден.
Четириесет и едногодишниот Рејес кариерата ја започнува во 1998 година во Естудијантес, каде што игра шест сезони пред да замине во Мадрид и да стане клупска, но и репрезентативна легенда.
Со Реал Мадрид, Рејес двапати ја покори Европа и дури во седум наврати стана шампион на Шпанија. Со „црвената фурија“ пак, центарот освои Светско првенство во 2006 година, Европско првенство во 2009, 2011 и 2015 година и двапати се искачи на пиедесталот како третопласиран на Олимпијадите и еднаш како „сребрен“.
За потсетување, фудбалската секција на Реал Мадрид летово остана без капитенот Серхио Рамос, кој како слободен играч го напушти „Сантијаго Бернабеу“.
Фото:
Twitter /@Eurohoops