По олабавувањето на мерките, во Центарот за култура „Иљо Антески Смок“ во Тетово започнаа културни активности. Има програма до крајот на овој месец, а во текот не летото поради доброто време претставите и други уметнички точки претежно ќе се одржуваат на отворено
Арлинд Хусеини новиот директор на Центарот за култура Иљо Антески Смок, вели дека со олабавување на мерките и граѓаните ќе се олабават со големиот број на културни активности, кои ќе ги нуди Центарот за култура, нормално со дадените препораки на Министерството за здравство.
-Нормално дека Центарот за култура сега има нова програма. До крајот на јуни во Центарот ќе има културни, ликовни, фолклорни, издавачки и музички дејности. Се гледа публиката да биде ревидирана, но таа е стабилна, ги следи сите препораки. Ние сме задоволни од програмата во сите сфери и ќе продолжиме во таа насока, изјави Хусеини.
За време на летниот период голем дел од уметничките точки ќе се организираат на отворено. Во моментов се изведуваат некои помалку зафати, како и генерално чистење на Центарот за култура, кој беше повеќе од една година во мирување со активности сведени на минимум.
Зоран Димовски