На спонозрите воопшто не им е лесно на натпреварувањето на Европското првенство. Најпрво Кристијано Роналдо ги тргна шишињата со Кока -кола од конференциската маса бидејќи не го поднесува тој газиран пијалок, а сега и сличен потег направи и Пол Погба.
Погба е муслиман од 2019 година и неговата вера најстрогно му забранува алкохол. За луѓето од таа вероисповед алкохолот е „харам“, односно е забранет и затоа Фанцузинот не сакал да го рекламира и го тргнал шишето.
Единствен проблем во целата таа приказна е што во тој пијалок воопшто нема алкохол, има сина етикета и станува збор за безалкохолно пиво, но како и да е тоа е доказ дека фудбалерот навистина не пие пиво.
Give me Sport објави вчера дека гестот на Роналдо по некои проценки Кока – кола имала штета од 4 милијарди долари. Ќе видиме колку во минус ќе биде и овој спонозр од гестот на Погба.
Фудбалерот на Манчестер јунајтед стана муслиман пред две години, а својата одлука за англиските медиуми ја објасни вака:
-Ме смирува внатрешно, тоа со години го барав, одлучив да се помолам со другарите муслимани и навистина се почувствував поинаку, добро, изјави за Manchester Evening Post пред неколку години.
Извор: dnevnik.hr
Фото: Твитер
Aqua only. That’s right @Cristiano. Coke ugh 🥴 pic.twitter.com/rTTs7jqrku
— 𝗔𝘆𝘀𝗵𝗮 𝗥𝗶𝗱𝘇𝘂𝗮𝗻 (@ayshardzn) June 15, 2021