Германскиот портал „Спорт“ нашироко пишува за неделниот инцидент, кога австриускиот играч, Марко Арнаутовиќ упати расистички зборови кон играчот на македонската репрезентација, Езган Алиоски.
„Арнаутовиќ се извини – УЕФА не реагира“ е насловот во „Спорт“, во кој пренесува делови од интервјуто на Арнутовиќ, во кој тој изјавува дека разговарал со Алиоски по натпреварот и дека во понеделникот побарал разговор со капитенот на Северна Македонија, Горан Пандев.
„Тој е мој добар пријател и ми рече, заборави на сè, знам како функционираат работите во фудбалот и какви се емоциите“, рече Арнаутовиќ. Како и да е, тој сакаше да каже „за целото човештво и за целиот свет жалам за тоа!“ , изјавува Арнаутовиќ.
„Капитенот на BFB, Давид Алаба, силно ја зграпчи брадата на Арнаутовиќ по неговиот погодок за разлика од 3: 1 (89.) додека го славеше голот и сакаше да го смири својот лут соиграч. Претходно, се вели дека Арнаутовиќ го малтретирал својот противник Езгјан Алиоски и користел клеветнички израз за Албанците, пишува sport.de.
Британски Гардијан во подолг текст се осврнува на инцидентот и почнува со повикот на Фудбалската федерација на Македонија до УЕФА, да ги испита дофрлувањата на Марко Арнаутовиќ кон играчи на Северна Македонија откако напаѓачот на Австрија постигна гол на мечот на Евро 2020 во неделата.
Арнаутовиќ негираше употреба на расистички речник за време на мечот во Букурешт, но се извини за неговата реакција кон противничките навивачи откако постигна гол во 89-та минута од натпреварот. Капитенот на Австрија, Давид Алаба, се вклучи да го воздржи очигледно бесниот Арнаутовиќ додека тој го славеше својот гол.
„Вчера имаше неколку жестоки зборови во емоциите на натпреварот, за кои би сакал да се извинам, особено на моите пријатели од Северна Македонија и Албанија“, напиша на Инстаграм Арнаутовиќ, чиј татко е Србин. „Би сакал многу јасно да кажам една работа: јас не сум расист. Имам пријатели во скоро секоја земја и се залагам за различноста. Секој што ме познава е свесен за тоа“, додаде тој.
Според медиските пишувања, гневот на 32-годишникот бил насочен и кон македонските играчи Бејтулаи и Алиоски, и двајцата со албански корени. Во соопштението на Фудбалската федерација на Македонија (ФФМ), објавено на Фејсбук во понеделникот , се тврди дека забелешките на Арнаутовиќ биле насочени кон Алиоски.
„Фудбалската федерација на Мaкeдонија најостро го осудува националистичкиот испад на австрискиот репрезентативец Марко Арнаутовиќ, после постигнатиот гол на вчерашниот натпревар со Македонија упатени кон македонскиот репрезентативец Езган Алиоски. Истовремено ве информираме дека поднесовме официјален допис до УЕФА во кој бараме најстрога казна за австрискиот репрезентативец Марко Арнаутовиќ.Како “Куќа на фудбалот” секогаш сме против национализам, дискриминација и сите други форми на навреди и испади кои не се во духот на фудбалот и вредностите за кои сите заедно се залагаме.Секогаш ќе застанеме и ќе ги браниме интересите и достоинството на македонските репрезентативци каде и да настапуваат“, се вели во соопштението.
Гардијан потсетува дека „постои историска напнатост меѓу Србија, Албанија и Македонија околу суверенитетот на Косово. На Светското првенство во 2018 година, Швајцарцот Гранит Џака и Шердан Шаќири, кои се од албанско-косовско потекло, добија казни за гестови направени за време на нивниот натпревар против Србија .
Арнаутовиќ, поранешен играч на Стоук Сити и Вест Хем, моментално игра во во Кина за клубот на Шангај Порт. Во следните натпревари од групата Ц, Австрија во четврток ја очекува Холандија на арената Јохан Кројф во Амстердам, додека Северна Македонија игра со Украина во Букурешт.
извори: Гардијан и Спорт