Како што информираат од Основното јавно обвинителство, на 17 март, 36-годишниот обвинет се обидел да ја напушти државата преку Меѓународниот аеродром Скопје, употребувајќи фалсификуван медицински сертификат за негативен тест на SARS-CoV-2 вирусот. Иако знаел дека не се тестирал и дека таков сертификат не е издаден од наведената болница, тој исправата ја употребил како вистинита пред аеродромските служби.

Јавниот обвинител до Основниот кривичен суд Скопје поднесе Предлог за издавање казнен налог со кој предложи на обвинетиот да му биде изречена парична казна од 100 дневни глоби, а поединечната висина на дневната глоба да биде одредена на 20 евра во денарска противвредност.​​