Прашањето од насловот го упатува угледниот весник Фајненшал тајмс, кој во тектот одговара дека овие услови зависат од одделни земји и може да варираат затоа што одлуките се донесуваат на национално, а не на ниво на ЕУ.
„Првиот настап на мала земја на голем турнир е фудбалска бајка: обичните деца кои успеаја да стигнат до нивнито големото време, а целата земја стои зад нив. Но, приказната за Северна Македонија, зафатена овде на фотографиите на Матео де Мајда, е посложена. Воодушевувачки каков што беше неговиот пласман на Европскиот шампионат овој месец, а кулминираше со победата над Грузија во плејофот минатиот ноември со 1-0, тимот нема повеќе од два милиони жители на земјата зад себе. Она што сега е познато како Северна Македонија, скоро секогаш управувале странци, од Бугари преку скоро шест века Османлиски Турци до југословенски апаратчари“, пишува весникот кој понатаму дава кратка национална историја, вклучувајќи ги односите меѓу најголемите етникуми во државата од нејзиното осамостојување.
„Токму во оваа немирна атмосфера, репрезентацијата одеднаш најде слава, предводена од 37-годишниот напаѓач Горан Пандев , кој го постигна победничкиот гол против Грузија. Пандев – кој исто така финансираше академија за млади фудбалери – е национален херој кој веројатно би можел да биде избран за претседател ако сака, пренесува де Мајда. Премиерот на Северна Македонија, Зоран Заев, се израдува на квалификациите, притоа внимателно избегнувајќи какво било споменување на името на земјата. Потоа, во март, Северна Македонија ја победи моќната Германија во Дуизбург и сега е на пат да се пласира на Светското првенство следната година.
Ова се напорни денови во сиромашна земја со изненадувачки добра фудбалска инфраструктура, каде конечно се охрабруваат да играат и жени и девојки. Ако репрезентацијата може да собере поголема слава ова лето, а можеби дури и на Светското првенство следната година, тоа само може да помогне да се зацврсти кревкиот национален идентитет на Северна Македонија“, пишува ФТ.
Симон Купер, колумнист на ФТ
Фотограф: Матео де Мајда