Професорката Елизабета Ѓоргиевска, првата дама на Македонија блесна на аудиенцијата кај Папата Франциск. Нејзината одлука, како ќе биде облечена за овој важен ден покажа дека и „најздодевната“ и најкласична облека, доколку е одбрана со вкус и соодветствува на настанот и се вклопува во амбиентот, остава впечаток. За црниот костум и коминацијата со која сопругата на Претседателот Елизабета Ѓоргевска го носеше на аудиенцијата кај Папата Франциск, едноставно немаше замерки, напротив доби одлични коментари.
Од познати и пријатели на Ѓоргиевска, дознаваме дека е размислувано и секој детал е внимателно избиран. Пригодниот и елегантен црн костум го изработила кројачката Јулијана Дуковска, врз основа на дизајнот и збогатен со стилизиран вез, базиран на старословенските ракописи на Лидија Георгиева. Особено внимание привлече симбиликата на велот, која била идеја токму на Ѓоргиевска и кој ја содржи реченицата „Зарем сонцето не нè грее сите“, или ⰈⰀⰓⰅⰏ ⰔⰑⰐⰜⰅⰕⰑ ⰐⰅ ⰐⰅ̀’ ⰃⰓⰅⰅ ⰔⰋⰕⰅ, од Св. Кирил испишана на глаголица. Венчето е изработка на Магдалена Чижбановска.
Идејата, изработката, симболиката, едноставноста и елеганцијата со која сопругата на Претседателот го испочитува строгиот дрескод за аудиенција кај Папата, покажа дека може да се одговори успешно на сите овие предизвици.