Малдивите би можеле да исчезнат до крајот на овој век, доколку светот не реагира брзо и заеднички во борбата против климатските промени, изјави министерот за заштита на животната средина, климатските промени и технологијата на таа земја, Аминант Шауна.
Зборувајќи за Си-Ен-Би-Си, Шауна посочи дека ако уништувањето на животната средина продолжи со сегашното темпо, земјата повеќе нема да биде таму до 2100 година.
– Нема да преживееме. Климатските промени се реални и ние сме најранливата земја во светот – рече таа и додаla дека нема висок терен за Малдивите, дека ги има само нив, нивните острови и морето.
Светскиот економски форум процени дека 80 проценти од луѓето во светот ќе бидат погодени од климатските промени. Во меѓувреме, научниците сугерираат дека нивото на морето може да се зголеми за 1,1 метар до 2100 година.
-Иднината на нашата земја, нашиот народ и нашата култура, сето тоа зависи од мерките што ќе ги преземеме денес. Ако ова предвидување е точно, нашата земја би можела да биде најпогодена.
Денес, 80 проценти од островите се наоѓаат на само еден метар надморска височина, што ги прави особено ранливи доколку се зголеми нивото на морето. Веќе, 90 проценти од островите пријавиле поплави, 97 проценти крајбрежна ерозија и 64 проценти серијата ерозии – рекла министерката, додавајќи дека приходот на населението и храната за преживување зависи од тоа како ќе се справат со нивните слабости денес.
Малдивите веќе воведоа неколку мерки за намалување на влијанието на климатските промени, како што се заштита на крајбрежјето и социјални активности за унапредување на одбраната, рекла министерката, додавајќи дека земјата сака да стане лидер во напорите за ублажување на ефектите од климатските промени.
– Ние сакаме да бидеме лидери и да кажеме, ако Малдивите можат да го сторат тоа, тогаш целиот свет може да го стори тоа – посочи Шауна и ги повика поединците и владите да сторат што зависи од нив.
– Секој поединец во светот може да влијае на климатските промени, а владите можат да го сторат тоа на политичко ниво. Веќе се потребни амбициозни активности за да им се помогне не само на Малдивите, туку и на сите мали островски држави – заклучи министерот.
Извор: Телеграф.рс