Полициски службеници во Струмица синоќа лишиле од слобода скопјанец баран по распишана централна потерница, – соопшти денеска МВР.
– Во 20:35 часот од страна на полициски службеници од Секторот за меѓународна полициска соработка – Отсек потраги, од угостителски објект на бул.„Климент Охридски” во Струмица, лишен е од слобода З.Д.(50) од Скопје, баран по распишана централна потерница и судска наредба на Основен кривичен суд Скопје, осуден на казна затвор за сторено кривично дело „измама”, соопшти МВР.
Приведениот бил предаден во полициска станица за понатамошна постапка, по што ќе биде спроведен во казнено-поправна установа за издржување на затворската казна.