Синоќа на социјалните мрежи поп-пејачката, Александра Јанева го објави третото #summerjam видео. Овојпат станува збор за преработка на емотивната Us на гитаристот и автор James Bay.
Во мај 2018, за време на шоуто The Voice James Bay ја изведе песната заедно со Alicia Keys. Токму таа машко-женска верзија е инспирација за преработкатата со 2Be.
„Омилени предизвици ми се преработки на светски хитови отпеани од толку инспиративни артисти како James Bay и Alicia Keys. А кога Љупче е совршениот James Bay, нема поголемо задоволство од тоа да ја играм улогата на Alicia Keys”, вели Александра Јанева.
Aранжманот е на Тино Стојановски кој ги свири и гитарите, Синиша Зукиќ е на кахон, а Љупче Стојановски ја придружува Александра како вокал.