Истражувањето за популарната апликација за запознавање, познатиот Badoo, забележа интересен тренд за време на пандемијата на вирусот корона – завршија интимните односи за една ноќ! Во истражувањето учествуваа дури 1.000 самци, а дамите кои бараат партнери на интернет-платформите изјавија дека повеќе немаат време за трошење, бидејќи целата измината година отиде во неповрат. Како што наведоа, сега сите карти веднаш се ставаат на масата … Тие знаат што сакаат, кои се нивните цели и планови за во иднина и нема повеќе време за обиколување.
Прашањата што ги поставуваат веднаш се местото каде што лицето се гледа себеси за пет години, дали би сакал да има деца, што мисли за брак и дали има свој стан. Овој тренд, кој стана практика, го доби своето неофицијално име, „бомбардирање со искреност“.
Британците измислија необична фраза за да опишат нов тренд во светот на запознавање преку Интернет. Овој тренд се појави откако Badoo спроведе истражување за влијанието на пандемијата врз сваќање на врските и на тој начин излезе со интересни податоци.
Дури 72 проценти од испитаниците рекле дека сега, во споредба со периодот пред короната, тие поискрено и појасно му ги покажуваат своите потенцијални намери на потенцијалниот партнер, но и што сакаат од врската.
Свесни дека можеби изгубиле цела година поради короната во однос на љубовта, огромното мнозинство анкетирани самци (82%) се повеќе склони да го забрзаат процесот на квалитетно меѓусебно запознавање во 2021 година.
И бидејќи минатата година не им даваше многу можности да градат љубовни врски, сега тие ја користат секоја можност да го сторат тоа – така што три од четири самци сега се повеќе заинтересирани да најдат долга врска. Патем, тоа беше вистинска реткост на овие платформи.
Ова исто така значи дека главниот адут за самците веќе не е исклучиво физичка привлечност, туку карактерот на партнерот. Ако почнат да разговараат, прашањата за децата и бракот се појавуваат прилично брзо.
Рестриктивните мерки, се вели во истото истражување, не само што ги освестија за важноста од воспоставување подлабоки односи, туку и ја сменија листата на приоритетни карактерни црти на партнерите. Три четвртини од испитаниците повеќе не сакаат да губат време на партнер кој нема долгорочни планови со нив, но исто така не сакаат да чекаат премногу долго за конкретни чекори. Наместо тоа, тие се свртуваат кон искреност.
Затоа сега на повеќе од половина им е полесно да покажат некому дека им се допаѓа.
Сепак, бранот на романтична искреност не ја изненадува директорката за маркетинг на оваа апликација, Наташа Брифил, која вели дека за време на периодот на заклучување и ограничени социјални контакти, луѓето имале време навистина да размислат за она што го бараат од потенцијалниот партнер.
– Со олеснување на мерките, состаноците во живо повторно ќе се вратат, а фактот дека луѓето се многу поотворени и поискрени кон себе и кон својот партнер го сметам за позитивен аспект на пандемијата. Ова значи дека короната не врати на вистинските вредности, кои ја движат врската напред. Затоа испитаниците сметаат дека сега им е полесно да признаат кога некому му се допаѓа или кога никогаш повеќе не сакаат да видат некого – објасни Брифил.
Извор: telegraf.rs