Припадници на турските безбедносни сили на истанбулскиот аеродром „Ататурк“ уапсија жена во чии стомак биле откриени 51 капсула со кокаин, со вкупна тежина од 600 грама.
Станува збор за 31-годишна државјанка на Бразил, која во Истанбул допатувала од бразилскиот град Сао Паоло.
Иако во нејзиниот багаж немало ништо сомнително, полицијата сепак ја испратила Бразилката на дополнителна контрола со магнетна резонанца во болница, при што е откриена дрогата во нејзиниот стомак.
Жената веднаш е изведена пред Суд, кој и одреди мерка притвор до почеток на судскиот процес против неа под обвинение за шверц на дрога.
Извор:МИА