Ги нема Мареј, Морис, Гризлис е добар тим? Нема проблем. Никола Јокиќ „меле“ пред себе и нема намера да застане.
Србинот синоќа приреди спектакуларно кошаркарско шоу против ривалот на Западот, Мемфис Гризлис, во тесната победа од 139:137 по две продолженија. Индивидуална партија вредна МВП награда. Шутевите од игра на плејмејкерот заробен во тело од центар изнесуваа 65 отсто. Разновидноста во обидите од дистанца и полу-дистанца, проследени со асистенциите „од никаде“, претставуваа нерешелива енигма за одбраната на Гризлис.
-Повеќе од јасно е кој е вистинскиот МВП во лигата, изјави кратко неговиот соиграч Мајкл Портер Џуниор.
И како да не биде. Српскиот центар забележа 47 поени, 15 скокови и осум асистенции, со одличен шут од игра и „само“ шест обиди за постигнување кош од слободните фрлања. На некогашниот центар на Мега ова не му е непознато, бидејќи претходно 12 пати запишал бројки 47 +, 15+ и 8+.
We had to slow it down to appreciate the (double overtime) beauty.#MileHighBasketball pic.twitter.com/XP61U5wkUX
— Denver Nuggets (@nuggets) April 20, 2021
Teшко издвојуваната победа на Нагетси по продолженијата, ги однесе место погоре во поредокот на Западната конференција пред Лос Анџелес Лејкерс, а друштво на врвот на листата на стрелците на Јокиќ му правеше фантастичниот Џа Морант со 36 постигнати поени, 12 асистенции и осум скокови.
-Тој е генијалец, човеку. Кошаркарски генијалец. Ја игра играта како да игра шах, секогаш три чекори пред сите, изјави Арон Гордон за „The Athletic“, непосредно по финишот на возбудливиот двобој.
WHERE THERE’S A WILL THERE’S A WAY pic.twitter.com/5wggex6VNX
— Denver Nuggets (@nuggets) April 20, 2021
Фото:
Twitter / @nuggets
д.ј