Денеска Основниот кривичен суд во Скопје ја соопшти пресудата за предметот „Трезор“, кој се однесува на злоупотреба на средства од Буџетот на државата за набавка на електронско-комуникациска опрема за потребите на Петтата управа при УБК и обука за нејзино користење од фирма од Велика Британија.
Првообвинетиот, поранешниот директор на УБК Сашо Мијалков, како и поранешниот шеф на неговиот кабинет Тони Јакимовски, поранешниот помошник-министер во МВР, Небојша Стајковиќ, и поранешениот началник на Петтата управа во МВР, Горан Грујевски, се прогласени за виновни.
Тројца се товарат за злоупотреба на службената положба и овластувања, а Тони Јакимовски за помагање.
Мијалков доби единствена казна затвор од осум години.
Горан Грујевски доби единствена казна затвор од 15 години, Небојша Стајковиќ доби 5 години, а Тони Јакимовски единствена казна од пет години.
Исто така се бара сите обвинети солидарно да ја надоместат штетата од околу 600.000 евра во државниот буџет.