Најдобриот македонски фудбалер Горан Пандев по подолго време не беше стрелец на гол против својот „омилен“ тим Јувентус. Гранде Пандев играше до 60-та минута за Џенова, но неговиот тим во Торино загуби со 1:3.
Нашиот фудбалер беше ноќна мора за легендата на Јувентус, Џиџи Буфон кој овојпат беше само резервен голман, но нивното ривалство со годините прераснало во пријателство кое го потврдија и денес во Торино.
Камерите ги уловија Пандев и Буфон во пријатен разговор кој заврши со слатка смеа. Бидејќи не е познато што точно разговараа, коментаторите на мечот имаа одговор.
– Сигурно си велеле еден на друг, Горан ти кога ќе се пензионираш? А, ти Џиџи кога ќе се пензионираш – се шегуваа коментаторите на натпреварот затоа што знаат дека двете легенди на италијанскиот и македонскиот фудбал заедно имаат 80 години и иако се пред пензија, се уште играат на врвно ниво на што можат да им завидуваат и две децении помлади фудбалери.
Buffon and Pandev, combined age of 80.
Still loving life at the top 😆 pic.twitter.com/rXlB1RujJe
— ESPN FC (@ESPNFC) April 11, 2021
Извор: ESPN Twitter