Скоро секоја седма личност со позитивен тест за Ковид 19 чувствува симптоми три месеци подоцна, според новите податоци на Велика Британија.
Најголемата студија за долготрајната корона на британскиот Завод за национална статистика (ОНС) откри дека луѓето со овој вирус пријавуваат здравствени проблеми, вклучувајќи болка во мускулите и замор, многу почесто од општата популација.
Во примерок од повеќе од 20 000 луѓе кои биле позитивни на корона помеѓу април минатата година и март годинава, 13,7 проценти чувствувале симптоми најмалку уште 12 недели. Тоа беше осум пати повеќе отколку во контролната група на луѓе кои веројатно немале корона, според ОНС.
Од оние кои биле позитивни на тестот, една петтина или 21 процент сепак имале симптоми пет недели по тестирањето. Жените почесто пријавувале долготрајна корона отколку мажите, 14,7 проценти во споредба со 12,7, а таа била најраспространета кај оние на возраст од 25 до 34 години.
Во поголем примерок на луѓе со и без тестови, ОНС процени дека 1,1 милиони луѓе се соочиле со долготрајна корона за четири недели до 6 март. Од таа бројка, околу 697 000 луѓе имале корона за прв пат или мислеле дека се разболеле од оваа болест најмалку 12 недели порано, додека 70 000 првпат се соочиле со вирусот или мислеле дека се заразиле пред една година.
Се проценува дека долгорочната корона негативно влијае на секојдневните активности на 674 000 луѓе, додека 196 000 објавија дека строго ги ограничува во извршувањето на секојдневните активности. Од оние кои сами пријавиле долготрајна корона, најпогодени биле на возраст од 35 до 69 години, потоа жени, луѓе што живеат во најсиромашните области, здравствени или социјални работници.
Преземено од: https://www.b92.net/