Медиумите уште во време на претседателската трка помеѓу демократскиот кандидат, Џо Бајден и поранешниот претседател на САД, Доналд Трамп, шпекулираа дека здравјето на Бајден е загрижувачко и дека таквата состојба би можела да влијае врз извршувањето на функцијата на актуелниот претседател на една од најголемите светски сили.
Објективите на камерите денес забележаа невообичаена, или помалку невообичаена случка во која беше вклучен и некогашниот потпретседател на Барак Обама. При влегувањето во авионот „Аir Force One“, непосредно пред полетувањето за Атланта, Бајден во три наврати падна по степениците.
Joe Biden just fell 3 times in a row trying to go up the stairs to Air Force One pic.twitter.com/gTUTckUH32
— Caleb Hull (@CalebJHull) March 19, 2021
На крајот сепак успеа да се искачи, а на социјалните мрежи се шегуваат дека денешната непријатност на некој чуден начин е поврзана со вчерашната искрена честитка и желба на Владимир Путин за „добро здравје“, упатена кон американскиот колега.
Фото:
abcnews.go.com