Вкусен и едноставен десерт ви предлагаме за денеска, доколку сакате да направите нешто слатко набрзина. Се работи за колач со јаболка и ореви, кој е идеален особено за оние кои постат.
Состојки:
*мерата е чаша од 2 dcl
3 чаши рендани јаболка
1 чаша шеќер
1 лажичка сода бикарбона
2 чаши мелени ореви
2 чаши брашно
½ чаша масло
1 ванилин шеќер
За прелив:
½ чаша шеќер
2 чаши вода
Подготовка:
Измешајте ги јаболката и шеќерот, па додадете ја содата бикарбона и соединете. Добиената смеса покријте ја со фолија и оставете ја да отстои во фрижидер еден час. Додајте ги оревите и ванилиниот шеќер, па промешајте. Потоа сипете го брашното, промешајте и на крај додадете го маслото. Кога сето ова добро ќе се соедини, смесата ставете ја во сад за печење со димензии 32х22 cm. Печете на 180 степени триесетина минути.
За преливот:
Во тенџере ставете го шеќерот, додадете вода и гответе додека да зоврие. Откако колачот ќе се олади, прелијте го со добиената смеса и оставете да се лади уште половина час, а потоа украсете со мелени ореви.
Извор: informer.rs