Николов: Мојата компанија нема врска со тендерот во Министерството за здравство

По објавувањето на текстот под наслов „Тендерот на Филипче не бил за Мијалков“, со реакција се јави бизнисменот Мите Николов, кој негира каква била врска со овој тендер и фирмата која се споменуваше како потенцијален оператор на тендерот. Во текстот беа споменати шпекулации дека преку фирмата на Александар Јовановски – Жути, всушност стои интересот на Николов.
-Немам врска со тендерот, ниту со компанијата на Јовановски, кој, всушност работи со својот татко. Точно е дека се знаеме, но немаме никаква бизнис поврзаност, изјави Николов.
Претходно и Александар Јовановски – Жути негираше дека неговата компанија, која е основана во април годинава, е директен понудувач на тендерот, туку само подизведувач на германската компанија „АБОТ“ , која беше единствениот понудувач на тендерот вреден 35 милиони евра, што го распиша Министерството за здравство.