Судската полиција треба да добие повиски плати. Министерот за правда Бојан Маричиќ, денеска пред претставниците на УПОЗ и Независниот синдикат на судска полиција, го потпиша правилникот за зголемување на платите на судската полиција.
Во зависност од тоа во кој суд работат, зголемувањето ќе биде од 8 до18 отсто, а најголемо ќе биде во двата скопски суда, Кривичниот и Граѓанскиот.
Овие службеници со години бараа зголемување на платите, а преговорите траеја повеќе месеци.
Основна задача на судската полиција е да го заштитува судскиот објект и имотот на судот, животот на сите присутни во судот и да го одржува редот во судската зграда.
За претставниците на УПОЗ и Независниот синдикат на судска полицијана ова е значаен чекор и почеток во решевањето и другите нивни проблеми.