Иако во последните денови засилени беа шпекулациите за одржување на Еуро 2020 само во една земја, Англија, денес до јавноста доаѓаат допираат старо-нови гласови.
Пандемијата на коронавирусот веќе го одложи Европското првенство во фудбал кое требаше да се одржи минатата година и го закажа за јуни 2021 година, а неповолните околности и нестивнувањето на пандемијата го доведоа до прашање и овогодинешното издание на ЕП, ако ништо друго, барем неговиот првичен формат.
Сепак, македонската фудбалска репрезентација ќе дебитира на големото натпреварувања во, надежно, неколку од вкупно 12-те земји домаќини за европскиот турнир на големците. УЕФА и ФА се противат на предлогот за одржување на Европското во само една земја и во иднина ќе ги одбијат сите можности за реструктурирање на првенството, пренесува „The Times“.
Британскиот премиер Борис Џонсон изјави дека Англија е подготвена за преземање на повеќе мечеви доколку една од 12-те земји домаќини не се во прилика целосно и безбедно да го организираат турнирот во групната фаза и нокаут-натпреварите, но Фудбалската Асоцијација и УЕФА сметаат дека веќе е доцна за преземање такви чекори.
Пандев и другарите на континенталниот собир ќе играат во рамките на групата Ц заедно со селекциите на Австрија, Украина и Холандија, на тревниците во Букурешт и Амстердам во јуни годинава.