По бавниот старт на сезоната, Манчестер Сити „стави во втора брзина“ и се истакна како главен фаворит за освојување на титулата во Премиер Лигата, но и во Лигата на Шампионите.
„Граѓаните“ со вчерашната победа во првиот дуел од 1/8 финалето во најелитното клупско светско натпреварување, ја забележаа својата 19-та победа по ред во сите натпреварувања.
На прашањето по завршувањето на двобојот во Германија „која е главната причина за неверојатната победничка серија“, шпанскиот стратег на кормилото на Сити имаше интересен и саркастичен одговор. Според Пеп Гвардиола, парите се „виновници“ и можноста со нив да се купат најдобрите фудбалери на светот.
-Ние имаме многу пари за да купиме неверојатни играчи. На крајот од денот, ние победуваме за пари, изјави Гвардиола, реферирајќи на непочитувањето и дискредитирањето на неговиот учинок во овосезонското издание на Манчестер Сити.
Reporter: What’s been the most important reason behind the 19 wins in a row?
Pep: We have a lot of money to buy a lot of incredible players…
— Hayters TV (@HaytersTV) February 25, 2021
Под превезот на сарказмот, Гвардиола можеби и ја кажа непријатната вистина, но кога клубот кој го водиш победнички маршира, ваквите изјави веројатно и „држат вода“.
Фото:
goal.com