На плоштадот „Гоце Делчев” во Струмица денеска повторно е поставена ѕвездата на најдобриот македонски фудбалер, Горан Пандев, која беше искорната и украдена во ноември 2018 година.
– Верувам дека овој пат ѕвездата на Пандев нема да му пречи на никој и ќе остане на градскиот плоштад. Ќе ја чуваме исто како и што се радуваме на успесите на Пандев и промоцијата на нашата општина и држава, рече градоначалникот Коста Јаневски.
Ѕвездата беше поставена во 2010 година како симбол за освоената титула на Пандев европски и светски фудбалски шампион со италијанскиот Интер.
-Немам коментар, изјави Горан Пандев тогаш.
Пандев не само што е предводник на македонската фудбалска репрезентација, додека во Струмица има Академија каде членуваат околу 400 млади фудбалери. Паралелно гради и Спротски центар со фудбалски стадион.
Досега не се откриени сторителите на кражбата на ѕвездата на Пандев од плоштадот во Струмица.