Девојче од Австралија пред осум години со семејството се преселила во куќа покрај гробишта. Бидејќи се плашела од духови, мајка и ја однела на прошетка. Од тогаш чисти гробишта и ги одржува уредни.
Ти Џеј Климен (12) имала 4 години кога почнала да живее во близина на гробиштата, а таа помисла ужасно ја плашела.
За да и покаже дека духови не постојат, мајка и ја однела на прошетка низ гробиштата.
-Додека бевме таму мајка ми дојде на идеја да почнеме да ги чистиме. Помислата за духови исчезна, а јас продолжив да чистам гробишта до денес, рекла Климен за Би-Би-Си.
После осум години Ти Џеј ја добила и австралиската награда „Day award“ за општествена работа во локалната заедница.
-Мајка ми плачеше кога ја добив наградата, мислам дека е многу горда на мене, рекло девојчето.
Ти Џеј на гробиштата оди еднаш до два пати неделно, каде што треба да исчисти 3500 гробови. Како што рекла, веројатно и треба околу една година за да си исчисти сите, а кога ќе заврши годината, почнува од почеток.
-Луѓето се среќни кога ќе ме видат и тоа ми се допаѓа, рекла таа.
-Тоа е место каде што се чувствувам како дома, слободно, додала таа.
Видеото може да го погледнете ТУКА.