Американската крајбрежна стража спасила тројца Кубанци на ненаселен остров кај Бахамите кои таму биле изгубени 33 дена.
Се работи за две жени и еден маж, кои како што се наведува преживеале хранејќи се со кокоси, школки и стаорци.
„Неверојатно е како успеале да преживеат толку долго“, рекол еден од спасувачите.
#UPDATE @USCG rescued the 3 Cuban nationals stranded on Anguilla Cay. A helicopter crew transferred the 2 men & 1 woman to Lower Keys Medical Center with no reported injuries. More details to follow.#D7 #USCG #Ready #Relevant #Responsive pic.twitter.com/4kX5WJJhs8
— USCGSoutheast (@USCGSoutheast) February 9, 2021
Кубанците се спасени на островот кој се наоѓа помеѓу Флорида Киза и Куба.
За време на редовна патрола на членови на екипажот на хеликоптерот, ги забележале како мавтаат со импровизирани знамиња на гребенот на Ангуила.
Од хеликоптерот на островот спуштиле радио, храна и вода, а дури наредниот ден ги спасиле поради лошите временски услови.
#BreakingNews @USCG is assisting 3 people who have reportedly been stranded on Anguilla Cay, Bahamas for 33 days. An Air Station Miami HC-144 Ocean Sentry aircrew has dropped a radio, food and water. More to follow.#D7 #Ready #Relevant #Responsive #searchandrescue #USCG pic.twitter.com/D263ptTarz
— USCGSoutheast (@USCGSoutheast) February 9, 2021
Како што се наведува не биле повредени, но биле пренесени во медицинскиот центар на Флорида поради прегледи.
Таму е утврдено дека се дехидрирани и покажувале знаци на замор, но биле во одлична состојба со оглед на тоа колку долго биле препуштени сами на себе.
„Им било многу тешко бидејќи немале вода за пиење“, рекол Мајк Алерт, пилот на хеликоптерот.
Тројцата Кубанци на крајбрежната стража им раскажале дека пред пет недели нивниот брод потонал во бура во морето и сами допливале до островот. Другите детали за престојот на пустиот остров не се познати.
Извор: Курир.рс