Пандемијата на коронавирусот несомнено го промени секојдневното функционирање на човекот. Традиционалните средства за комуникација го отстапија местото на некои интернет платформи кои во овие околности имаа за цел да ја олеснат живејачката и полека да го нормализираат пост-корона животот.
Во последната година видео-платформата „Зум“ стана навика и алатка без која не се може. Сепак, средбите и комуникацијата лице в лице се незаменливи, а тоа најдобро може да го опише адвокатот од САД кој имаше „мала“ непријатност во текот на правната постапка.
Имено, адвокатот во живот се претвори во мачка. Да, еден од филтрите ненамерно бил пуштен од страна на адвокатот и на екранот се појави мало, мило животинче, сосема неочекувано.
-Ме слушате судија? Ќе се обидам да го тргнам ова, ќе го викнам асистентот да ми помогне. Тука сум во живо, не сум мачка, се правдаше адвокатот.
“I’m here live. I’m not a cat.”
A lawyer logged into the 394th Judicial District with a cat filter on and couldn’t turn it off.
This may be the funniest video I’ve seen this year. pic.twitter.com/0RokVVpgeA
— David Gardner (@byDavidGardner) February 9, 2021
Судијата некако издржа да не се насмее и имаше разбирање за симпатичната грешка на адвокатот. Комбинацијата на повозрасни луѓе и интернет, засекогаш ќе остане непоразена. Барем такви беа саркастичните коментари на социјалните мрежи за ова урнебесно видео.