Полицијата и демонстрантите во Мјанмар повторно се судрија, а повредени има и од двете страни. Денешниот ден всушност беше со најмногу насилство од почетокот на демонстрациите кои се организираа по минатонеделниот воен удар. Една жена е погодена во главата и според лекарите, веројатно нема да преживее. Помош им е пружена уште на три лица кои наводно се погодени со гумени куршуми, испукани од страна на полицајците кои користеле и водени топови.
Our Country Myanmar😔#WhatsHappeningInMyanmar #PoliceBrutalityinMyanmar pic.twitter.com/02HRKoPEWW
— YoonThu🥦 (@YoonThu7) February 9, 2021
Државната телевизија објави дека има и повредени полициски службеници кои настојувале да ги растераат демонстрантите. Во Мјанмар веќе со денови илјадници граѓани се на улиците во знак на незадоволство од забраната за одржување митинзи, но и во знак на протест против воениот удар. Полицијата досега приведе најмалку 27 лица, меѓу кои има и новинари.
Западните влади го осудија ударот, а на барање на Велика Британија и Европската унија, Советот за човекови права на ООН во петок ќе одржи специјална седница на која ќе се разговара за кризата во Мјанмар.
Фото: Twitter / Frontier Myanmar
Извор: index.hr