Облачно со повремени врнежи кои на планините и на повисоките места ќе бидат од снег, а попладне ќе преминат во снег и на повеќето пониски места, но ќе слабеат по интензитет. Особено попладне и кон крајот на денот ќе дува силен северен ветер, што ќе услови нагло опаѓање на температурата. На планините снежната покривка дополнително ќе се зголеми, а поради засилениот ветер ќе има услови за појава на снежни наноси. Во западните делови ќе се формира мала снежна покривка и на пониските места.
Како и утре попладне, и в среда ќе дува силен северен ветер, што ќе услови нагло опаѓање на температурата. На планините поради засилениот ветер ќе има услови за појава на снежни наноси. В среда на места се уште ќе провејува снег, а в четврток ќе настапи преодна стабилизација на времето.
