Променливо облачно и студено ќе биде, според УХМР, времето денеска. Претпладне во јужните делови ќе има повремени слаби врнежи од снег. Ќе дува умерен, а вдолж Повардарието повремено засилен северен ветер. Утринските температури до -11, дневните до +3 степени.
Локални врнежи од снег ќе има и утре кон крајот на денот, особено во северните делови.
Од понеделник ќе преовладува стабилно, суво и студено време. До вторник дневните температури во поголем дел од земјава ќе бидат под нулата. Благ пораст на температурите ќе има од среда.
