Во животот често ни пречат психолошките бариери, лажните убедувања и ниската свест. За да излезат од тој затворен, многумина читаат книги, а психологот Михаил Литвак објави своја книга во која ги наведува тезите што според него, се главна пречка на патот кон поздрав и посреќен живот.
Среќата е само спореден ефект на добро организиран живот.
Среќата, радоста и успехот, како што своевремено тврдеше психијатарот Виктор Франкл, се само нус-производ на добро организирани активности, кои носат бура од емоции.
Оној кој си поставил цел да ги реализира горенаведените „нус-производи“, оди кон нив како кон линијата на хоризонтот – колку повеќе се приближува до неговите најубави соништа, толку повеќе тие се оддалечуваат од него.
Кога зборувате со некого, запомнете дека тој исто така има добро мислење за себе, како и вие за себе
Никогаш не заборавајте дека личноста со која зборувате е исто што и вие – личност. Вашиот соговорник има формиран поглед на нештата и има свои причини за тоа. Секој што ќе го сретнете на патот води свои битки, за кои не знаете ништо. Треба секогаш да се внимава на човечката самодоверба, која не смеете да ја повредите.
Доколку сами не преземете ништо, тогаш кој може да ви помогне?
Зборовите се минливи, па понекогаш може да се водат и празни разговори. Човекот првенствено го одредуваат неговите дела. Никој нема да ви помогне ако одите наоколу и на сите им кажувате дека би сакале да напишете книга. Навистина, како може да ви се помогне во тоа? Кога ќе одлучите и ќе го однесете напишаното во некоја издавачка куќа, секогаш ќе се најдат пријатели и познаници кои ќе ве поддржат, тогаш тие би можеле да ви помогнат и тоа не само со зборови.
Станете успешни и сите навреди магично ќе исчезнат
Многу навреди се формираат одвнатре, особено ако имате чувство на неоствареност. Понекогаш сме навредени и веруваме дека ситуацијата може да ја подобри само тој што не навредил, меѓутоа тој механизам функционира поразлично. Не дозволувајте успесите да бидат засенети од неуспесите. Фокусирајте се на она што најмногу го сакате, нема ни да забележите како негативните емоции ќе почнат да исчезнуваат сами од себе.
Сакате да го запознаете вашиот најдобар пријател? Погледнете се во огледало
Многу луѓе се борат против некои непознати пријатели, без да сфатат дека најголемиот непријател понекогаш е во нас самите. Не можеме да излеземе од бесконечниот круг на неволји, доколку не ги елиминираме внатрешните бариери кои се пречка за нашиот раст и развој.
Кога човек нема цел, ништо не гледа и обратно – целта го изострува видот
Целта е како трик. Доколку целта е поставена погрешно нема да го видите она што навистина ви е потребно. Фокусирајте го вниманието само на она за што навистина имате потреба.
Извор: pozitivanstav.com