Еди Рама носи капут од 3.000 долари, а народот спие во шатори – Премиерот на Албанија го критикуваат за дизајнерката гардероба

Заменик претседателот на албанската демократска партија, Еди Палока, денеска го прозва премиерот Еди Рама дека носи дизајнирана облека, додека луѓето кои претрпеа штета во земјотресот сè уште спијат во шатори.

Тој на социјалните мрежи напиша дека Рама носи палто вредно 3.175 долари, додека многу граѓани погодени од земјотресот во кој ги загубија своите домови, спијат во шатори и засолништа, пренесуваат албанските медиуми.

Албанија беше погодена од земјотрес со јачина од 6,4 степени во ноември 2019 година, оставајќи над 13.000 луѓе без покрив над главата и оштетени повеќе од 14.000 згради.