Хрватската влада ќе прогласи состојба на природна катастрофа за два окрузи погодени од разорниот земјотрес, што предизвика огромна штета, изјави денеска премиерот Андреј Пленковиќ.
– Денес ќе прогласиме катастрофа во окрузите Сисак-Мославина и Загреб, бидејќи од теренот добивме информации за степенот на штетата што се случила, за последиците по нормалното функционирање на животот, а тоа ќе им помогне на граѓаните – рече Пленковиќ на прес-конференцијата.
Тој најави дека денес ќе и соопшти на јавноста што е сторено досега.
Тој во пресрет на владината седница рече дека се повредени 24 лица, од кои 18 се во болница, вклучувајќи и четворица пожарникари.
Со оглед на големиот број последователни земјотреси, Пленковиќ рече дека граѓаните не мора да бидат во страв, но дека мора да бидат будни.
Тој исто така рече дека е направено многу во областа на здравството во загрозената област и дека бил информиран дека дел од болницата во Петриња е безбеден за употреба, како и дека болницата во Сисак ќе може да прими уште околу 50 пациенти,
– Владата се соочува со две големи кризи, решивме да прогласиме катастрофа во два окрузи, со постојниот штаб ќе се формира посебен на чело со министерот Томо Медвед, а ќе бидат вклучени и претставници на сите оддели, неговите заменици Милошевиќ и Хорват – рече Пленковиќ .
Преземено од: https://www.telegraf.rs/