Засилени полициски контроли за време на новогодишните празници најавуваат од СВР Тетово
Засилени полициски контроли за време на новогодишните празници најавуваат од СВР-Тетово. Во овој период ќе се засилат и контролите на патиштата како и продажбата и употребата на пиротехнички средства.
Поголем број на припадниците на полицијата и повеќе патроли ќе има за време на новогодишната ноќ особено во викенд-населбите Попова Шапка и Маврово, каде се очекува голем број граѓани да ја дочекаат Новата година, поради неработењето на угостителски објекти.
Се најавуваат и засилени контроли на патиштата за време на новогодишната ноќ. Се апелира на почитување на сообраќајните правила и прописи, со цел намалување на сообраќајните незгоди
Пред и за време на новогодишната ноќ припадниците на полицијата ќе патролираат и ќе преземаат дејствија против продажбата и употребата на пиротехнички средства.
(З.Д.)