Банана, фил од ванила и прелив со карамела – ова е експлозијата од вкусови што ја сочинува основата на десертот кој ви го претставуваме денеска. Рецептот е едноставен и дефинитивно ќе ги заслади празничните денови кои претстојат.
Состојки:
Прв слој:
– 350 гр мелени бисквити
– 100 гр путер
– 1 лажица шеќер
Втор слој:
– 150 гр шеќер
– 50 гр густин
– 1/2 лажичка сол
– 3 чаши млеко
– 2 јајца
– 30 гр путер
– 1 лажичка екстракт од ванила
– слатка павлака
– прелив од карамела
– банана
Подготовка:
Измешајте ги мелените бисквити со шеќерот и прелијте со стопениот путер.
Измешајте добро и оставете ја смесата настрана.
Изматете ги јајцата со вилушка и оставете ги настрана.
Во помало тенџере измешајте го преостанатиот шеќер со густинот и солта. Полека додавајте млеко и со константно мешање гответе на оган, се додека не добиете густина како на пудинг.
Одделете неколку лажици од филот и додајте ги на јајцата. Измешајте убаво па ова вратете го во тенџерето со филот и гответе уште една минута.
Додадете го екстрактот од ванила и путерот. Мешајте додека да се соединат состојките, па ставете ја смесата во фрижидер за да се излади.
Садот покријте го со фолија.
Потоа со миксер изматете ја слатката павлака, а бананата исечете на кругови.
Од смесата со кекс нанесете на дното на чаша, потоа ставете од преливот со карамела, па потоа филот од ванила, бананата и на крај шлагот. Повторувајте ја постапката се’ додека не се наполни чашата.
Десертот се служи ладен.
Фото: PrtScr / Bigger Bolder Baking
Извор: rs.n1info.com