Чевли со број 75 ги изработи чевлар од градот Клуж во Романија. На почетокот на епидемијата на корона вирусот, Григоре Луп одлучи креативно да ги „присили“ луѓето да се држат на дистанца – носејќи ги неговите огромни чевли.
Овој чевлар, вели тој, забележал дека луѓето стојат премногу блиску и ги игнорираат правилата за физичко растојание. Тој објасни – две лица кои се соочени едни со други, облечени во неговите чевли, би имале растојание од два метра.
“Кога го направив првиот пар чевли за социјално растојание, пристигнаа нарачки од Америка, Канада, Белгија, Холандија, Франција, продадов околу 50 пара чевли во неколку земји. Кога сфатив дека функционира, дека можам да ги продадам, решив да направам и зимски чевли. Тие се различни од обичните затоа што ставам топла постава внатре за да ги стоплат нозете. Јас ги правев овие чевли за театри, филмови, опери, како и традиционални игри и слично, но епидемијата на корона вирусот го спречи сето тоа. На овој начин, можев да го одржам мојот бизнис за време на оваа криза“, објаснува Григоре.
Неговата продавница ја посети и Дедо Мраз, кој избра чевли со број 75, кои чинат 150 евра во продавницата на овој чевлар.
Григоре се надева дека на овој креативен начин влијаел на размислувањето на луѓето, бидејќи неговите џиновски чевли се продавале во повеќе земји.
Романија пријавила над 490 000 случаи на корона вирус од почетокот на епидемијата. Училиштата, театрите и рестораните се затворени, а задолжително е да се носат маски на сите јавни простори.
Преземено од: http://rs.n1info.com/
Фотографија: Inquam Photos/Raul Stef via REUTERS