Никогаш во животот не сум чул таков крик. Крик што ми ја замрзна крвта во вените и кој долго нема да можам да го заборавам, рече шокиран сосед од Пула, каде што пред неколку часа се случило убиство и обид за самоубиство, пишува 24sata.hr.
Истрагата сè уште трае во овој момент, но хрватските медиуми неофицијално дознаваат дека Д.А. (60) ја прободел поранешната сопруга Ј.А. (54), и се обидел да си пресуди самиот. Тој бил пренесен во општата болница во Пула. Иако се разведени, сопружниците живееле во иста куќа. Полицијата добила пријава за оваа трагедија од ќерка им која исто така живела во истата куќа, на горниот кат, заедно со нејзиниот сопруг и двете деца.
Соседите шокирано гледале во куќата во која нивниот соругот и пресудил на несреќната жена.
– Тој беше болен човек кој пиеше многу и имаше дијабетис. Шеќерот, алкохолот и стресот не одат заедно. Како сосед беше мирен и добар. Многу луже ми се јавија, не верувајќи дека тој го сторил тоа. Кога пиеше, тој се закануваше дека ќе се самоубие, и дека ќе крене рака и на неа. Луѓе, кога си пијан кажуваш сè. Никој не го сфати тоа премногу сериозно. Поради неговото пијанство и закани, полицијата неколкупати доаѓаше и го водеше. Не знам точно што се случило, но слушнав врисоци од нејзината ќерка. Иако во тоа време бев во куќата, тој крик беше толку силен што замрзнав. Можеа да живеат толку убаво во таа прекрасна куќа. Тоа се луѓе кои никогаш не се закачаа со никого и ние се почитувавме како соседи. Неколку пати му велев: „Престани да пиеш и немој да ми доаѓаш да бараш „ дај деци “. Последен пат пред да биде повикан во полиција, тој исто така беше пијан викајќи дека ќе се самоубие, па мрмореше дека ќе ја убие и неа … Му викав да не ми кажува такви глупости, особено кога ќе дојде кај мене, затоа што не сакам да слушам такви приказни. Тоа му го кажав категорично”, рече соседот.
Тој за 24sata.hr, потврдил дека неговата ќерка, зет и внуци живеат на првиот кат од куќата, дека поранешните сопружници живееле на приземјето и дека имаат и син кој живее во Германија.
– Еве, нивното куче е со мене во моментот додека полицијата не ја заврши истрагата. Кутрото куче лежи неподвижно на подот и тивко лелека. Тој е многу тажен. Последен пат ја видов околу 16 часот кога ми одмавна од автомобилот и се насмевна. За два часа веќе беше мртва! – рече соседот со неверување.
Извор и фото: 24sata.hr