Денеска, според УХМР, времето ќе биде сончево со мала до умерена облачност, која во текот на денот ќе се зголемува. По одделни котлини ќе има услови за појава на утринска магла. Максималната температура до 17 степени.
Утре ќе биде значително облачно и ќе има локални врнежи од дожд, особено попладне. Под влијание на продор на студена воздушна маса во понеделник ќе дува засилен северен ветер, а дневната температура ќе се намали. Во деновите потоа ќе преовладува променливо облачно и студено време, од среда со повремени локални врнежи, кои на планините и на некои повисоки места ќе бидат од снег.
