Терористичката група Ал Каеда назначи еден од нејзините членови, Алжирецот Абу Убаид Јусуф ал-Анаби, за нов водач на исламистичката група.
Тој го замени Алжирецот Абделмалек Друкдел, кој беше убиен од француските сили на северот од Мали во јуни, објави денеска американската агенција СИТЕ, специјализирана за надзор на џихадистичките групи.
На видеото што го прими агенцијата СИТЕ, Ал Каеда објави именување нов лидер, пренесува Индекс.
Поранешниот член на алжирскиот GSPC (салафистичка група за проповедање и борба), кој е на американската листа на „меѓународни терористи“ од септември 2015 година, е исто така шеф на канцеларијата за медиуми на Ал Каеда и редовно се појавува на терористички видеа.
Ал Каеда во пораката навела и дека неодамна ја погубила швајцарската мисионерка Беатрис Стокли, која беше киднапирана во 2016 година во Сахел, а нејзината смрт ја припишува на обидот на „француските крстоносци“ да ја ослободат.
Повеќе од 5.000 француски војници се распоредени во Сахел како дел од антиџихадистичката операција „Баркан“.
Преземено од: https://www.telegraf.rs/