Доколку сакате баклава, овој рецепт ќе ве израдува бидејќи за него се потребни само 5 состојки, а и приготвувањето е многу брзо и едноставно.
Состојки:
450 грама ситно сечкани ореви
225 грама путер
350 грама мед
кори за пита
1-1/2 лажички цимет
Подготовка:
Загрејте ја рерната на 180 степени и подмачкајте тава или каков било сад за печење (приближно 33 х 22 см).
Во друг сад измешајте ги ситно исечканите ореви и циметот.
Стопете го путерот на тивок оган.
Одвиткајте ја кората од пита.
На дното од тавата ставете две кори и премачкајте ги со стопениот путер.
Повторете ја постапката уште 3 пати со две кори, размачкајте ја кората со путер.
Распоредете 8 лажици мешавина од орев и цимет рамномерно над кората, и посипете со две лажици мед.
Покријте со две кори, премачкајте ги со путер одозгора, па повторно истурете 8 лажици мешавина од орев и цимет и прелијте со 2 лажици мед.
Постапката повторете ја уште 6 пати (река ореви и мед, две кори премачкани со путер …)
Покријте со преостанатите кори за пита, размачкајте се’ со стопен путер.
Со остар нож исечете квадрати и печете во рерна на 180 целзиусови околу 25 до 30 минути.
Изладете ја баклавата пред да ја сервирате.
Извор: stil.kurir.rs/trpeza