Ако сакаш да го разубавиш денот некому, има многу начини за тоа, но едно ТикТок видео кое стана вирално на интернет ги надминува сите досегашни обиди за убав гест.
Видеото до сега има над 15 милион прегледи на ТикТок, а го направил Алекс Бајрон.
Алекс секогаш кога го напушта својот дом клучот од влезната врата го остава на многу очигледно место, без никаков обид да го скрие, напротив – го остава клучот за да го пронајде некој крадец. Но спремил и мало изненадување за крадецот, клучот не е од неговата куќа, туку е од сандаче во банка, во кое Алекс и неговото семејство оставиле мала сума пари, мотивациона книга и, како што вели Алекс, шанса за подобар живот.
Алекс живее во место каде грабежите на куќи се честа појава, па знаејќи низ што сѐ минуваат крадците сакал да им помогне давајќи им шанса да размислат за она што го прават и да ги мотивира за да започнат нов и подобар живот.
„Кога крадецот ќе го пронајде клучот и ќе сфати дека не е од мојата куќа, од радоста дека го има клучот веднаш ќе премине на разочарување дека тоа не е вистинскиот клуч, па можеби тогаш ќе застане за момент и ќе размисли што прави со животот и ќе реши да се промени“, вели Алекс.
Кога сфатил дека крадецот кој ќе наиде на клучот можеби и нема да се сети која му е намената, Алекс решил да го сними видеото со објаснување за клучот кое сега вирално се рашири на интернет и има над 4 милиони лајкови.
Во прилог го споделивме видеото кое Алекс го објави на ТикТок.
@everydayalexImagine if someone duets this ##fyp ##viral ##comedy ##MotivationMonday♬ original sound – Alex Biron
Извор: BoredPanda
Фото и видео: everydayalex