Протест во грчкиот град Вергина против Договорот од Преспа – ММС
ММС

Објавено на: 07/10/18 7:13 AM

Протест во грчкиот град Вергина против Договорот од Преспа

Стотици граѓани, меѓу кои и свештени лица и префектот на грчката област централна Македонија, Апостолос Ѕиѕикостас, вчера се собраа на плоштадот во Вергина да протестираат против Договорот од Преспа – објави Македонската информативна агенција.

Со грчки знамиња и извици „Македонија е грчка“, „Овој договор е предавство“, „Тргнете ги рацете од Македонија“, „Грција, Грција, Македонија“, „Не отстапуваме“, „Ние не ја распродаваме Македонија“, граѓаните ја испратија нивната порака дека не го прифаќаат договорот.

На присутните им се обрати и митрополитот од Верија, Науса и Кабаниа, Пантелејмон кој рече дека Договорот од Преспа е против интересите на грчкиот народ и дека другата страна земал сѐ, а Грција не добила ништо.

Кусо пред закажаниот термин за собирот, организаторите објавија дека протестот, поради лошите временски услови се одложува, но подоцна се премислија и собирот сепак се одржа.