Претседателката на Државната Комисија за спречување корупција, Билјана Ивановска на денешната прес конференција одговори на новинарско прашање, кое се однесување на надоместоците на уставните судии кои сами ги гласаа.
„Факт е дека треба закон за работење на Уставниот суд, факт е дека Уставниот суд работи според Деловник од 1991 или 1992 година, факт е и дека неодамна при крајот на месец октомври Уставниот суд го променил Деловникот земајќи одредби од законот за судовите и додал уште една одредба со која што се дефинираат овие права. Но факт е и дека во уставот стои дека со Деловникот на Уставниот суд се уредува начинот и постапувањето на Уставниот суд, прашање е дали вакви одредби треба да бидат дел од тој Деловник. Со Деловникот се уредува начинот на постапувањето со нивните предмети, а не се уредуваат правата како овие за посебен додаток. Кога ќе се соберат сите овие факти и аргументи, не може нешто да се уредува со Деловник, што треба да биде уредено со закон“, вели Ивановска.
Судите сами одлучија да го изменат Деловникот, и преку член 10-а, покрај правото на плата и други надоместоци да имаат и додатоци за посебни услови за работа, за постоење на висок ризик и доерливост, кој надоместот е 35% од основната плата на судијата.
Г.Д