Тројца пацинети на вораст меѓу 60 – 79 години починаа вчера попладне на Инфективното одделение во Клиничката болница во Штип, потврдија од болницата. Од починатите, само еден е со потврден тест на ковид 19. Кај другите двајца тестот е негативен. Овој невообичен случај од праксата на Инфективното одделение, засега е без објаснување.
Додека расте бројот на новозаразени од ковид 19 во дрѓавата, расте и бројот на пацинети кои имаат потреба од болничка помош. На Инфективното одделение во Штип се лекуваат 51 пацинет, а од понеделник Кожното одделение станува нов ковид центар. Веќе неполн месец пацинети се препраќаат во Кочани, каде во недостаток на инфектолози, болните се згрижени од интернисти.